遊戲機

當我還很小的時後, 父親曾買了一個偉大發明回家, 是為電視遊戲機。 家中有四兄弟, 見此禮物即時欣喜若狂, 可惜當時科技有限, 只得兩個操縱器, 配合四個男孩和八個拳頭, 所以不是打機便是打架。 母親大人忍無可忍, 送上其最拿手的一度菜式: 藤條炆豬肉, 同時遊戲機亦離奇失蹤。 從此我明白到科學的重要性, 若那遊戲機有四個操縱器, 世界將會更加和平, 自此立志要成為工程師。

上到高中, 當時極盛行一部街機, 叫 Street Fighter, 自己極度沉迷, 經常流連機舖, 認識一班豬朋狗友, 好的不學, 壞的學足。 雖然早年已決志為基督徒, 但只淪為反面教材。母親大人見此不是辦法, 再次出招, 將小弟送去太平洋對岸。

人在異鄉, 收心養性, 讀書打工返吓教會, 十分正路。 當時讀書有壓力, 未解決, 每天下午都會去校內的 game room 打吓機, 輕鬆吓。 最拿手便是街機 Tetris, 一個 coin 可以玩半粒鐘, 紀錄是67層, 已達高手之列, 時有人圍觀。 那時留意到一位女孩是圍觀常客之一, 借機和她傾談, 教教她打 Tetris 的絕招, 後來拍拖仲做埋人世。

出來做事後, 少了打機, 但數月前買了部 Wii, 美其名是和老婆女兒一同玩, 但最後都係自己玩多。不過人大了懂得自制, 玩時玩, 做完正經事先。 好像現在寫完這個 blog, 走去打一兩個 Wii 的 golf game 先。 - Sam